Entertainment Archive

AKALAIN mo, alaga pala ni Tita Becky Aguila ang batang pinagkakaguluhan ngayon ng mga bagets dahil sa ilalabas na bagong seryeng Annaliza na ginagampanan ni Andrea Brillantes.

Blythe Gorostiza ang tunay na pangalan ni Andrea. Ang ABSCBN daw mismo ang nagbigay ng bagong pangalan niya. Sa umpisa raw ay medyo naiilang siya sa kanyang bagong name, pero sa katagalan ay gustung-gusto na niya at masaya siya sa nangyayari ngayon sa career niya dahil halos apat na taon daw niya itong inaasam-asam.

Anim na taon si Andrea nang mangarap na makapasok sa showbiz. Nagpursige siya at lahat ng auditions ay pinuntahan niya, at napili siya ni Direk FM Reyes para sa Alynna bilang batang Shaina Magdayao. Iyon na ang naging simula ng sunud-sunod na roles niya.

Halos maglumundag siya sa tuwa nang piliin naman siya ni Direk Ruel Bayani sa para sa bagong business unit nito na gagawa ng Annaliza dahil ikinuwento sa kanya na number one noong dekada 80 ang nasabing serye.

“Sobrang na-excite po ako, kaya pinanood ko po sa YouTube ‘yung Annaliza at ‘yung pelikulang Mga Mata ni Anghelita at Porta Varga po,” kuwento ni Andrea.

Pagbubutihan daw niya ang pag-arte para hindi masayang ang tiwalang ibinigay sa kanya ng ABS-CBN.

Pabirong tanong namin sa kanya, sikat na ba siya dahil bida na siya?

“Ay, hindi po,” nahihiyang sabi niya.

E, sino ang sikat para kay Andrea?

“Kim Chiu. Sikat si Kim Chiu, siya ang sikat po. Si Anne Curtis din,” say ng bagets.

Paborito niya sina Kim at Anne, na gusto niyang tularan pagdating ng araw. Idinagdag din niya ang pangalan ni Maricel Soriano dahil magaling umarte.

Grade five na sa pasukan si Andrea.

“Magho-home school po ako, itutuloy ko pa rin ang pag-aaral ko,” aniya.

Maganda ba siya?

“Opo, sabi ng nanay ko,” napangiting sagot ng bagets.

Naniniwala ba siya sa nanay niya? Hiyang-hiyang “opo” ang kanyang sagot.

Samantala, gustung-gusto ni Andrea si Zanjoe Marudo na gumaganap. —Reggee Bonoan

jQuery(‘.nrelate_toon’).removeClass(‘nrelate_toon’);

Ni Reggee Bonoan

SINADYA naming abangan si Ai Ai de las Alas sa backstage ng Araneta Coliseum pagkatapos ng production number niya sa jampacked concert ni Vice Ganda na I-Vice Ganda Mo Ako Sa Araneta noong Sabado ng gabi.

Suntok sa buwan ang pag-aabang namin sa Comedy Queen dahil nga ayaw pa niyang magsalita tungkol sa hiwalayan nila ng asawang si Jed Salang. Mahigit isang buwan pa lang simula nang ikasal sila noong Abril 3, 2013 sa Las Vegas, Nevada, USA.

Nakita naming umiiwas si Ms A sa mga TV camera na nakaabang sa kanya habang naglalakad siya papasok ng dressing room, kaya hiningan na lang siya ng pagbati tungkol sa successful concert ng kaibigang si Vice.

Nang makita kami ng komedyana ay kaagad niya kaming isinama sa loob ng dressing room, at kaagad na nangumusta sa amin na sinagot namin ng, “Ikaw ang kumusta?“

Nagpa-picture muna si Ai Ai sa kanyang dalawang bodyguards na ibinigay daw ng kanyang `friendship’ na si Kris Aquino dahil kailangan pala niyang mag-ingat.

Hinayaan muna naming magpahinga ang TV host/ comedienne dahil hingal na hingal pa sa kanyang Let’s Get Loud sing and dance number sa stage at biniro namin ng, “Kaya mo pa bang magshow (na solo)?“ at umoo naman.

Maya-maya ay tumingin at hinarap na niya kami, pakiramdaman na puwede na siyang interbyuhin, at diretsahan agad ang tanong namin kung totoo nga bang hiwalay na sila ni Jed.

“Oo, noong May 2 pa, bale seventeen days na ngayon (Mayo 18),” kaswal niyang sabi.

Ano ang dahilan, follow-up question namin.

Nangilid agad ang mga luha sa mata ni Ai Ai kaya’t hindi na muna kami nangulit. Kitang-kita ng inyong lingkod ang bigat ng nararamdaman niya, at bigla nang napahagulhol.

Bossing DMB, ikinuwento ni Ms A ang buong detalye ng paghihiwalay nila ni Jed, pero nakiusap siyang huwag muna naming isulat dahil gusto niyang siya mismo ang magsasalita sa one-on-one interview niya kay Boy Abunda ngayong hapon sa The Buzz.

Iginagalang namin ang kanyang pakiusap.

Ang masasabi lang namin sa ngayon ay labis na nagmahal si Ai Ai sa lalaking inakala niya na sadyang nakalaan para sa kanya, kaya siya pumayag na magpakasal, pero nagkamali siya.

Ang tanong nga niya sa akin: “Friend, saan ba ako nagkamali?” na sinagot namin kaagad ng, “Masyado ka kasing mabait, lahat ibinibigay mo kaya inaabuso ka.”

“Akala ko kasi ito ang tama para mag-work out ang relasyon, alam ko rin naman na sobra-sobra na, eh, kasi nga pangarap ko kasing ikasal. Ewan ko, hindi na ako natuto, lagi na lang,” sabi niya.

Samantala, sobra-sobra ang pasasalamat ni Ms A sa kanyang kaibigang si Kris na isa raw sa unang kinuwentuhan niya ng pangyayari at kaagad siyang dinamayan bukod siyempre sa manager niyang si Boy.

“Nagpapasalamat ako kay Kris at kay Presidente (Noynoy Aquino), kasi pinadalhan nila ako ng bodyguards para makasama ko sa mga lakad ko, nag-iingat lang ako. Pati na rin sa anak kong naririto sa Pilipinas, si Sancho, pasasamahan ko rin ng bodyguard,” pahayag ni Ai Ai.

“Ayoko pa kasing magkuwento sa press, ayoko pa, kasi alam ko na ang iisipin ng lahat, heto na naman ako, walang kadala-dala, eh, ano’ng magagawa ko, ito siguro ang kapalaran ko,” aniya pa.

Bossing DMB at sa mga minamahal naming mambabasa, ipagpaumanhin ninyo kung hindi ko muna isinulat ang lahat-lahat ng napag-usapan namin ni Ai Ai, pakitutukan na lang po ngayong hapon ang interbyu niya sa The Buzz at tiyak na ikagigimbal ng lahat ang buong nangyari simula nang maging magkarelasyon hanggang sa naging mag-asawa sila.

jQuery(‘.nrelate_toon’).removeClass(‘nrelate_toon’);

It’s nice to feel God’s presence in the stillness of the morning. Don’t forget to carry God’s word in your heart before you care to start your busy day. –DIXIE/09424854410

Every little smile can touch somebody’s heart. No one is born happy, but all of us are born with the ability to create happiness. –09269951570

Dear Mr. DMB, ang ganda ng Ina Kapatid Anak. Kinilig ako ng sobra kina Celyn at Liam, sana patagalin pa ang eksena nila ng pagiging sweet. At sana rin huwag muna nilang tapusin ang serye. Alam n’yo ba na iniiyakan ko ‘yan ‘pag ‘di ko napapanood at nanghihinayang ‘pag ‘di ko nakikita ang sweetness ng dalawa. ABS-CBN, sana magkapelikula sina Kim Chiu at Xian Lim, please. –# withheld upon request

Hello DMB, paganda nang paganda ang Ina Kapatid Anak. Hmp, kelan kaya magkakaayos sina Celyn at Margaux? Hi sa mga dating 4-Charity lalo na sa adviser namin, si Ronald delos Santos. From Bernadette of Nueva Ecija. –09068644186

jQuery(‘.nrelate_toon’).removeClass(‘nrelate_toon’);